El Conseyu de Gobiernu d'Asturies aprobó la destitución por motivos profesionales de Martín López-Vega
28 dic 2019 . Actualizado a las 14:31 h.El Conseyu de Gobiernu d'Asturies aprobó la destitución a petición propia y por motivos profesionales de Martín López-Vega como director xeneral de Cultura y Patrimoniu y nomó a Pablo León Gasalla pa reemplazalu nel cargu.
León Gasalla (Xixón, 1976) ye llicenciáu en Xeografía y Historia pola Universidá d'Uviéu. En 2001 aportó al traviés d'una oposición al puestu d'historiador na Conseyería de Cultura, onde trabayó nel Serviciu de Patrimoniu Cultural, informa Europa Press.
En 2018 asumió la xefatura de la Unidá de Documentación d'esti departamentu y dende 2002 forma parte del Conseyu del Patrimoniu Cultural d'Asturies y de delles comisiones temátiques dependientes d'esti organismu, lo mesmo que de la delegación asturiana nel Conseyu de Patrimoniu Históricu Español.
Coordinó delles llinies de publicación y actuaciones vinculaes col Camín de Santiago n'Asturies y delles candidatures asturianes a Patrimoniu Mundial. Tamién trabayó nes tramitaciones de declaración como Bien d'Interés Cultural y del Inventariu del Patrimoniu Cultural d'Asturies