El reconocimientu de la Especialidá d'Asturianu ye «irrenunciable», alvierte'l Principáu
ACTUALIDÁ
La portavoz del Gobiernu afirma que «nun ye necesario tratar la oficialidá pa desatascar esti asuntu
13 feb 2020 . Actualizado a las 14:03 h.La portavoz del Gobiernu asturianu y conseyera de Derechos Sociales y Bienestar, Melania Álvarez, aseguró que'l reconocimientu de la especialidá docente d'Asturianu ye «necesario dafechu y irrenunciable» pal Principáu.
Depués de que la ministra d'Educación y Formación Profesional, Isabel Celaá, asegurara que'l so departamentu va esperar a que l'asturianu sía llingua oficial pa convertir la so enseñanza n'especialidá docente, Melania Álvarez esixó un cambiu nos reales decretos d'especialidaes, competencia del Ministeriu. Considera asina l'Executivu asturianu que «nun hai qu'esperar» a que s'aprueba la oficialidá del asturianu pa «atender a esta demanda» qu'Asturies lleva espresando «una década». «Nun ye necesario tratar la oficialidá pa desatascar esti asuntu, modificar los decretos sería abondo», dixo Álvarez.
El Gobiernu asturianu, indicó, «defende y va defender» esta midida pa que la especialidá «sía a la fin una realidá qu'ampare al personal docente, qu'imparte asturianu nos centros contratáu como interín».
