Ye la obra cola que l'escritor algamó'l Premiu Teodoro Cuesta del Conceyu de Mieres en 2018
18 feb 2020 . Actualizado a las 20:28 h.Ediciones Trabe acaba de publicar el poemariu Les isles incertes, obra cola que l'escritor Xuan Bello algamó'l Premiu Teodoro Cuesta del Conceyu de Mieres en 2018. Según indiquen dende la editorial, trátase d'una obra que fala «del pasu del tiempu, de la muerte y del dolor qu'esta produz, que namás l'amor ye a dilir».
Xuan Bello (Paniceiros, Tinéu, 1965), primer Premiu Nacional de Lliteratura Asturiana, ye autor de los poemarios El cuartu mariellu (1982), Llibru de les cenices (1987), Los nomes de la tierra (1991), El llibru vieyu (1994), Los caminos secretos (1997) y El llibru nuevu (2017).
Amás, recoyó la so poesía en dos volúmenes, La vida perdida (1999) y Ambos mundos (2010). Con Les isles inciertes fíxose pela segunda vez col premiu Teodoro Cuesta de Poesía (2017).