El Ridea acueye un ciclu sobre relixón y llingua asturiana
Agora
Les actividaes van empezar esti xueves 14 d'ochobre a les 19.00 hores con una conferencia de Xulio Concepción Suárez sobre la toponimia
14 Oct 2021. Actualizado a las 10:03 h.
El Real Institutu d'Estudios Asturianos (Ridea) va acoyer dende güei y nes selmanes próximes un ciclu de conferencies dedicáu a analizar les rellaciones ente Asturies, la llingua asturiana y el fechu relixosu.
Les actividaes van empezar esti xueves 14 d'ochobre a les 19.00 hores con una conferencia de Xulio Concepción Suárez sobre la toponimia y la so rellación cola relixón. Per otru llau, el 21 d'esi mesmu mes, tamién a les 19.00 hores, Xuan Xosé Sánchez Vicente va tratar sobre la rellación ente relixón y llingua asturiana.
Yá'l 28 d'ochobre, a la mesma hora, el profesor Ramón d'Andrés va encargase de facer un repasu al procesu de traducción de la Biblia a la llingua asturiana. Les xornaes van acabar el martes 2 de payares con José Luis Fernández Álvarez, que va analizar el desarrollu de les comunidaes protestantes n'Asturies; informó Europa Press.