Avimun recalda 900 euros con una comida solidaria pa unviar material a Ucraína
Agora
L'asociación va unviar alimentos y material médico ya hixénico al país que ta sufriendo la invasión de Rusia
20 Sep 2022. Actualizado a las 05:00 h.
Una iniciativa nueva de sofitu a Ucraína n'Asturies. L'Asociación Amigos Viajeros del Mundo (Avimun) entamó'l domingu pasáu una comida solidaria en Gozón pa recaldar dineru p'ayudar a los habitantes d'Ucraína.
La comida celebróse nel llocal de l'asociación de vecinos de Llaviana, Gozón, y los organizadores recaldaron 903 euros. Con esi dineru, en descontando los gastos de la organización del eventu, van mercar alimentos y material médico ya hixénico que van unviar el próximu mes d'ochobre a Ucraína.
Na comida, Avimun proyectó un videu del viaxe qu'entamaron l'añu pasáu a Gambia y Senegal.