Viaxe nel tiempu, un día na prehestoria

Agora

L.O.

La cueva de Tito Bustillo, ubicada en el concejo asturiano de Ribadesella, considerada uno de los referentes mundiales de arte rupestre y catalogada como Patrimonio de la Humanidad, conmemora este mes el 50 aniversario de su descubrimiento. La caverna conserva doce conjuntos artísticos que hoy se interpretan como uno solo y en el que se diferencian dos etapas: una premagdaleniense, que comprende los conjuntos localizados en la galería larga junto con las primeras fases del panel principal, y otra magdaleniense, a la que pertenecen los conjuntos próximos a la entrada original y las últimas fases del panel principal

Teberga y Tito Bustillo preparen actividaes especiales para'l Día Européu del Arte Rupestre

10 Oct 2023. Actualizado a las 11:23 h.

Esti 14 d'ochobre celébrase'l Día Européu del Arte Rupestre y n'Asturies ye bien señaláu porque dalgunes de les meyores xoyes de la prehestoria puen atopase nel so territoriu, nesta ocasión va haber actividaes especiales en dos puntos señalaos: en Teberga y en Tito Bustillo.

Dende l'añu 2019, l'Itinerariu Cultural del Conseyu d'Europa Caminos d'Arte Rupestre Prehestóricu celebra'l Día Européu del Arte Rupestre coles mires de resaltar la relevancia cultural, artística y turística del primer Arte de la Humanidá. Yá nun queden llocalidaes pero los actos tamién inclúin l'actividá Arte paleolíticu nos Valles del Trubia, una xornada p'adientrase na Prehestoria y conocer de primera mano delles de les manifestaciones artístiques más emblemátiques del Paleolíticu Cimeru en collaboración col Ecomuséu La Ponte y el Conceyu de Santu Adrianu.

Centru Tito Bustillo

El Centru d'Arte Rupestre de Tito Bustillo, en Ribeseya, propón pa esti día especial un viaxe a cuatro cueves asturianes con arte rupestre al traviés de gafes de realidá virtual. Con elles, el públicu va poder enfusase dende l'equipamientu ribeseyanu nel interior de Llonín, La Loxa, El Pindal y El Buxu y reparar les pintures y grabaos qu'atesoren.

Va haber ocho pases dende les 11:00 hasta les 17:00 hores, con places llindaes. Esta actividá, dirixida a tolos públicos a partir de 6 años, nun tien costu adicional cola entrada al equipamientu y pue retirase la entrada pa participar al traviés de la web.

Parque de la Prehestoria de Teberga

Nel Parque de la Prehestoria de Teberga'l públicu infantil va buscar inspiración nes pintures y grabaos de los Abrigos Rupestres de Fresnéu (Teberga) pa realizar el so propiu dibuxu o grabáu. Un interesante puntu de partida pa conocer qué pintaben los nuesos antepasaos, cómo lo facíen, con qué técniques, qué ferramientes y colores utilizaben, ónde afiguraben les sos obres d'arte, cuándo lo facíen, por qué pintaben y con qué oxetivu.

Esti taller va llevase a cabu'l sábadu 14 a les 13:00 hores. Les entraes pueden adquirise, a un preciu xeneral de 2,50 € y amenorgáu de 2 €, nel mesmu Parque, nel Centru d'Información Turística del Principáu d'Asturies n'Uviéu n'efectivu y na páxina web.