El Principáu confirma que trabaya col Cervantes pa impartir cursos de llingua asturiana nos sos centros internacionales

Normalización Llingüística, Antón García, confirmó esti martes que'l Principáu trabaya col Institutu Cervantes pa ufiertar cursos de llingua asturiana en dalgún de los sos centros internacionales.

Asina, según indicó nuna comparecencia na Xunta Xeneral, dende la llexislatura pasada, el Principáu tien un conveniu de collaboración col Institutu Cervantes pa la promoción del asturianu nos centros internacionales del Institutu. «Nesi sentíu, abrimos un diálogu y lo más probable ye que podamos anunciar en dagún momentu, cuando se concrete, qu'efectivamente se van ufiertar cursos de llingua asturiana en dalgún de los centros internacionales del Cervantes», indicó'l director xeneral.

El director del Institutu Cervantes, Luis García Montero, yá anunciara n'avientu, mentes la Xunta Anual de Directores del Institutu Cervantes celebrada n'Asturies, que la institución que preside taba dispuesta a impartir cursos en llingua asturiana a petición del Gobiernu rexonal, informa Europa Press.