Avilés vuelve esfrutar de los paseos en barcu pela so ría

Los paseos en barco n'Avilés tán de vuelta. Dende'l pasáu sábadu y hasta'l viniente mes de setiembre, la Mancomunidá Comarca d'Avilés pon en marcha esta iniciativa turística que tuvo un bon ésitu nel añu pasáu. Dende la Casa Conceyu remarquen que ye una actividá mui bona pa poner en valor la ría d'Avilés y alliniala cola relevancia del día a día na Villa del Adelantáu.

Los paseos tán disponibles de martes a domingu y van partir dende'l puertu deportivu, concretamente dende'l pantalán númberu 10. El percorríu, que ye guiáu, dura alredor d'una hora y va hasta'l faru d'Avilés. En casu de condiciones marítimes non favoratibles, el paséu va dir namás hasta la Peña del Caballu. Nesi percorríu, los visitantes van poder conocer infomración sobre la propia ría y la importancia nel arcu atlánticu, la industria que xenera la ría o el Centru Niemeyer, ente otres cuestiones como'l desconocíu Cañón d'Avilés. El paséu en barcu tien un costu de 8 euros per persona, pal qu'hai acutar sitiu na web o presencialmente.