La Unión de Consumidores d'Asturies destapa que miles de contratos de financiación de vehículos ocultaron costos illegales mientres décades

La Unión de Consumidores d'Asturies realizó un refechu análisis de contratos de financiación de vehículos suscritos en concesionarios mientres los postreros venti años. Los resultaos asoleyen que la gran mayoría d'esos contratos presenten irregularidaes que frayen la normativa española y europea de creitu al consumu —Llei 16/2011 y Directiva 2008/48/CE—.

N'España, envalórase qu'ente'l 60% y el 75% de los vehículos nuevos finánciense directamente nel concesionariu al traviés de les entidaes financieres vinculaes a les marques. Lo que casi nengún comprador supo ye qu'esos contratos incorporaben sobrecostos ocultos que, en munchos casos, llevaron a pagar ente un 40% y un 60% más del importe financiáu.

«La mayoría de los contratos roblaos en concesionarios mientres los postreros 20 años inclúin sobrecostos ocultos, cláusules abusives y TAEs reales mui superiores a les apautaes. Tamos énte una estafa silenciosa qu'afecta a casi tolos llares españoles», asegura Dacio Alonso, presidente de Consumidores Asturies.

L'análisis fechu pola entidá identificó cinco tipos de cláusules abusives con especial incidencia:

• TAE real mui superior a l'anunciada. La diferencia media detectada supera los 3 puntos porcentuales. En casos documentaos, la TAE informada yera del 9,58% mientres que la TAE real xubía al 15,3%, una diferencia de 5,7 puntos que los tribunales puen considerar usura —nulidá del contratu y devolución de tolos intereses—.
• Seguros de vida y de protección de pagos impuestos. Incluyíos nel contratu ensin información clara nin consentimientu espresu del consumidor, encareciendo la financiación de forma tapada.
• Comisiones d'apertura inflaes. Superiores al 1,5% del préstamu, consideraes abusives pola xurisprudencia.
• Clauses de vencimientu antemanáu desproporcionaes. L'impagu d'una sola cuota activaba la execución del contratu.
• Productos financieros vinculaos non escoyíos llibremente. Impuestos como condición p'aportar a la financiación.

«La mayoría de los productos nun apaecen nel momentu de la firma, son gastos que nun entren na TAE - asóciense a terceros- pero, al analizar a posteriori, vemos que sí se tán pagando», esplica Dacio Alonso.

Unu de los casos analizaos, el comprador financió un turismu por un importe nominal de 13.025 euros, en 84 cuotes, con una TAE contractual del 9,58%. L'importe total finalmente abonáu averóse a los 19.000 euros, correspondiente a una TAE real del 15,3%. La diferencia —un 59,8% superior a lo apautao— supón un dañu reclamable, ensin intereses llegales, de 7.000 euros. Sumando los intereses llegales devengaos dende la fecha de cada pagu indebíu, la cantidá recuperable aumenta de forma significativa. El máximu detectáu nun únicu contratu xube a 17.860 euros.