El Gobiernu trabaya pa colocar en Melilla barreres de contención nel mar como les de Ceuta
Agora
L?Executivu estudia instalar «elementos de contención» afechos a la realidá de Melilla tres la sentencia que torga los rechazos en frontera per mar.
04 Aug 2026. Actualizado a las 17:41 h.
El Gobiernu ta trabayando na instalación «d’elementos de contención» nel mar en Melilla, mesmo que fixo en Ceuta cola barrera flotante, anque «afechos» a les necesidaes y a la realidá de Melilla.
La delegada del Gobiernu en Melilla, Sabrina Moh, informó de que la Guardia Civil ta trabayando «intensamente» nesti asuntu «dende’l primer momentu» en que se conoció la sentencia del Tribunal Supremu que torga facer rechazos na frontera a les persones migrantes que traten d’entrar a Ceuta y Melilla per mar.
El coronel xefe de la Guardia Civil en Melilla, Jesús Rueda, presente tamién na comparecencia, esplicó que yera «un procesu d’estudiu conxuntu» pa les dos ciudaes autónomes, pero «Ceuta yera la máxima prioridá pol volume y la entidá del retu qu'había que facer frente».