El Sespa y los farmacéuticos prorroguen el conveniu pa les pruebes rápides de VIH
Agora
Salú va asumir los gastos de formación de los profesionales participantes, y el Colexu Oficial de Farmacéuticos va encargase de los materiales necesarios pa la prueba y de la xestión de los residuos
11 Aug 2026. Actualizado a las 13:46 h.
El Conseyu de Gobiernu del Principáu d'Asturies autorizó la firma d'un conveniu ente la Conseyería de Salú, el Serviciu de Salú del Principáu d'Asturies (Sespa) y el Colexu Oficial de Farmacéuticos d'Asturies, pa caltener les pruebes rápides de detección del virus de la inmunodeficiencia humana (VIH) nes botiques y ampliar la collaboración a otros programes de salú pública.
L'alcuerdu va dexar reforzar el diagnósticu precoz del VIH dende redolaes comunitaries, una estratexa prioritaria p'amenorgar el númberu de persones que desconocen la so situación, evitar diagnósticos tardíos y menguar el riesgu de tresmisión. Les farmacies participantes tendrán de tar acreditaes, cuntar con personal formáu y disponer d'una zona d'atención que garantice la privacidá, la seguridá y la confidencialidad de les persones usuaries.
Pela so parte, Salú va asumir los gastos de formación de los profesionales participantes, y el Colexu Oficial de Farmacéuticos va encargase de los materiales necesarios pa la prueba y de la xestión de los residuos, informa Europa Press.