La Selmana Negra llevanta'l telón lliterariu y musical
Con c de ciencia y cultura
Más de 150 autores participen nel certamen de Xixón qu'esti añu va rindir homenaxe a los españoles republicanos de la lliberación de París
06 Jul 2019. Actualizado a las 11:17 h.
Más de 150 autores de dellos xéneros lliterarios y de dellos países d’Europa y Llatinoamérica participen na XXXII edición de la Selmana Negra, que ayer entamó en Xixón y que va tar abierta hasta’l domingu 14 de xunetu.
El festival cultural, que se fai al aire llibre nel antiguu astilleru, xuntu cola tradicional feria d'atracciones, va abordar dellos aspectos de la lliteratura y el cómic y va rindir homenaxe a los españoles republicanos que participaron na lliberación de París de la ocupación alemana na segunda Guerra Mundial.
El programa d’esta nueva edición, que como tolos años entamó cola llegada de los invitaos a Xixón nun "tren negru", inclúi velaes poétiques, esposiciones, presentaciones de llibros y muncha música.
Dempués de la inauguración oficial per parte de les autoridaes, ayeri abrieron los conciertos nel escenariu central Winchester y Mad Rovers.
El programa completu d’actividaes puedes consultalo na páxina web de la Semana Negra