Cultura refuerza la promoción del asturianu con 3,2 millones nel 2026
Con c de ciencia y cultura
El total del proyectu presupuestariu supera los 70 millones d'euros, y la cifra de la promoción del asturianu supón una medría del 89% al respectu del 2019
10 Dec 2025. Actualizado a las 19:55 h.
La conseyera de Cultura, Política Llingüística y Deporte, Vanessa Gutiérrez, presentó esti miércoles el proyectu presupuestariu del so departamentu pa 2026, que supera los 70 millones d'euros. D'ellos, la Dirección Xeneral d'Acción Cultural y Normalización Llingüística, va recibir 3,2 millones d'euros, lo que supón una medría del 86% al respeuto del 2019 y del 15% sobre 2025.
El presupuestu refuerza la promoción del asturianu y financia delles llinies d'actuación. Per primer vegada, la rede de normalización llingüística va disponer de 50.000 euros p'actividaes propies. Amás, prevénse campañes d'espardimientu de les llingües propies y increméntense les partíes pa programes educativos como Falamos.
Gutiérrez señaló qu'estes midíes formen parte d'un compromisu del Principáu pol caltenimientu y espardimientu de les llingües propies y la so incorporación a la vida cotidiana de la ciudadanía. L'aumentu de fondos va dexar a los servicios de normalización y a les redes locales desenvolver proyectos más amplios y sostenibles en tol territoriu, informa Europa Press.