Asturies recibirá fondos prindaos al narcotráficu pa lluchar contra les adicciones

El Conseyu de Gobiernu d'Asturies autorizó la celebración d'un conveniu col Ministeriu del Interior, al traviés de la Delegación del Gobiernu pal Plan Nacional sobre drogues, que va facilitar la llucha contra les drogodependencias anguaño.

En virtú del alcuerdu, el Principáu va recibir 304.000 euros con cargu a los presupuestos xenerales del Estáu de 2019, al traviés de creitos que provienen del fondu de bienes algamos por tráficu de drogues y otros delitos rellacionaos, según informó'l Gobiernu asturianu al traviés d'una nota de prensa.

Esta partida va permitir el desarrollu de cinco programes. Per un llau, el tratamientu pa l'adicción a la cocaína y otros sicoestimulantes (120.000 euros). Tamién s'inclúi'l programa d'atención a persones con drogodependencia nos xulgaos de lo penal d'Asturies (37.000 euros); Programa d'intervención sobre l'alcoholismu (90.000 euros); Programa de pisos d'incorporación social (50.000 euros); Programa Indro, d'información sobre drogues (7.000 euros).