La UCE analiza les polítiques de cambéu de les principales aerollinies qu'operen n'España
18 ago 2019 . Actualizado a las 05:00 h.Ye un error más habitual de lo que paez. Mercamos un billete d'avión y, una n'acabando'l procesu, dámonos cuenta de qu'hai un error nos datos. ¿Qué podemos facer entós? ¿Hai que pagar por solucionar el problema? La Unión de Comerciantes de Asturias (UCE) revisó les condiciones de les compañíes aérees más importantes qu'operen nel país pa conocer cuál ye'l costu y plazos pa iguar eses pequeñes errates. L'oxetivu ye evitar problemes n'otros países si los nuesos datos nel billete nun coinciden colos documentos oficiales.
En llinies xenerales, los cambeos d'hasta trés caráuteres son gratuitos, pero hai que contactar coles llinies aérees pa la so corrección y les llamaes suelen ser a teléfonos 902 de tarificación especial, que'l Tribunal de Xusticia de la Xunión Europea yá sentenció que son illegales pa tratar de teléfonos d'atención al veceru, espliquen dende la UCE.
Poro, l'encamientu de la organización de consumidores ye «tener muncho procuru a la de mercar el billete, introducir los mesmos datos qu'apaecen nel DNI o pasaporte y revisar enantes de realizar la compra».
Esta ye la política de les principales compañíes:
-Volotea: Gratuitu (hasta dos lletres y solo per teléfonu).
-Iberia y British Airways: Gratuitu (Sólo una lletra, per teléfonu + recargos si los hubiera)
-Ryanair: Gratuitu (Si corrixes un error pequeñu nun nome)
-Easyjet: Gratuitu (Un erru ortográficu o camudar el tratamientu)
-Vueling: Gratuitu invertir l'orde de los apellíos o modificar el segundu per teléfonu. Costu de 50 euros el cambéu del primer apellíu.
-Tap: Costu de 25 euros
-Turkish Airlines: Gratuitu (máximu de trés caráuteres)
-Aireuropa: Hai que contactar cola compañía
-AirFrance: Hai que contactar cola compañía
-American Airlines: Gratuitu (hasta trés caráuteres)