El Conseyu destacó l'usu «cada vez más normalizáu» del asturianu, que se reflexa, indiquen, na so páxina web y na última campaña de promoción de los alimentos ecolóxicos d'Asturies
23 dic 2020 . Actualizado a las 12:43 h.El Conseyu de la Producción Agraria Ecolóxica del Principáu d'Asturies (Copae), aprobó'l so reglamentu de réxime internu nuevu, qu'inclúi la creación del logotipu de la entidá en llingua asturiana, que va poder usase nel etiquetáu de productos.
Copae destacó l'usu «cada vez más normalizáu» del asturianu, que se reflexa, indiquen, na so páxina web www.copaeastur.org, y na última campaña de promoción de los alimentos ecolóxicos d'Asturies «Son Lo +».
Per otru llau, el Copae principió'l procesu electoral pa la renovación del Plenu del Conseyu, nel que tán representaes les persones que producen, tresformen y comercialicen alimentos ecolóxicos n'Asturies, y nel que tamién tienen representación los consumidores y l'Alministración. Les candidatures van poder presentase hasta'l 5 de xineru. Una de les novedaes nel Plenu del Conseyu ye que va tener qu'haber un equilibriu d'homes y muyeres na so composición, informa Europa Press.