Asturies va ellaborar un llistáu de los campos de concentración franquistes

F. Sotomonte

AGORA

Tras la Guerra Civil, la represión de la dictadura de cebó especialmente en Asturias
Tras la Guerra Civil, la represión de la dictadura de cebó especialmente en Asturias

Daránse beques d'investigación sobre la represión a minoríes étniques como'l pueblu xitanu

12 jun 2021 . Actualizado a las 05:00 h.

Asturies va ellaborar un llistáu de los campos de concentración de la dictadura franquista establecíos nel so territoriu dempués de la Guerra Civil y el Principáu abrióse amás a recoyer trabayos d'investigadores centraos específicamente na represión escontra'l pueblu xitanu.

Asina lo señaló nuna respuesta plantegada pol diputáu de Podemos Asturies Rafael Palacios la conseyería de Presidencia señalando que magar se van a recoyer tou tipu d'espacios d'especial significación histórica rellacionaos cola dictadura «consideramos qu'aquellos llugares que fueron campos de concentración, llugares de celebración de xuicios ensin garantía, fuexes clandestines, llugares de represión, etc, tienen de ser declaraos llugares de la memoria y como tal dignificaos, protexíos y señalizaos».

No que fai referencia a la represión de calter racista, Presidencia indica que «nun esiste bibliografía nin investigaciones en cursu sobre esta temática» tampoco dientro de les llinies de trabayu d'estudiantes de posgráu. Nesti sentíu, señalaron que s'estableció la conveniencia de fomentar al traviés d'un sistema de beques pa persones nueves graduaes la investigación y l'estudiu de temes de memoria democrática y ún de los primeros va ser precisamente la represión sobre les minoríes étniques qu'incluyiría al pueblu xitanu».

A too ello sumó que se valora la inclusión nos temarios d'enseñanza de los aspectos rellacionaos cola memoria democrática pal conocimientu de los estudiantes tanto na ESO como nel Bachilleratu.