Un estudiu revela qu'estos son más susceptibles al impactu de les foles de calor
16 ago 2021 . Actualizado a las 11:14 h.Los llares de Cataluña y Asturies son los que más xuben la so temperatura d'España nos díes calorosos de branu. Asina lo revela un nuevu estudiu realizáu pola empresa de xestión intelixente de la temperatura del llar «tado», que llevó a cabu un analís en más de 20.000 llares españoles, tomando como referencia una temperatura interior de la vivienda de 20 graos y una esterior de 30 graos mientres trés hores.
D'esta manera, comprobóse que los llares catalanes xuben la so temperatura una media de 3,5 graos dempués de trés hores, ente que los asturianos carecen una xuba de 3,3 graos, asitiándose dambes comunidaes autónomes percima de la media d'España, que s'asitia nos 2,2 graos.
Otra manera, les viviendes españoles nes que menos xube la temperatura según l'estudiu son les de La Rioxa (1,3); Andalucía, Castiella y Lleón, Estremadura y Navarra. Estes cuatro últimes comunidaes esperimenten el mesmu aumentu de temperatura de 1,5 graos.
Los catalanes y asturianos sedríen los más susceptibles al impactu de les foles de calor y, por tanto, son los que sufren temperatures más incómodes en casa. Esto ye especialmente relevante esti branu nel que munchos españoles siguen teletrabayando, una y bones los estudios demostraron que les altes temperatures en casa provoquen una perda de productividá y tamién pueden desencadenar graves problemes de salú, como la deshidratación o los golpes de calor, según espliquen los responsables del estudiu.