Estos son los finalistes del Premiu de Teatru Profesional Nel Amaro

El Teatru Filarmónica d'Uviéu va acoyer los vienres 8, 15, 22 y 29 del mes de payares les representaciones de les obres finalistes

III Premiu de Teatru Profesional Nel Amaro en llingua asturiana.
III Premiu de Teatru Profesional Nel Amaro en llingua asturiana.

Oviedo

El Teatru Filarmónica d'Uviéu va acoyer los vienres 8, 15, 22 y 29 del mes de payares les representaciones de les obres finalistes qu'opten al III Premiu de Teatru Profesional Nel Amaro en llingua asturiana.

Depués d'una preselección realizada na primer quincena d'ochobre pol xuráu _integráu por especialistes en teatru y llingua asturiana_, les cuatro compañíes teatrales finalistes y que van participar nesti III Festival Nel Amaro son, por orde d'actuación, Ververemos, col espectáculu 'Muyeres inesperaes'; El Callejón del Gato, col espectáculu 'Crecer'; Higiénico Papel Teatro, col espectáculu 'Una casa'; y Factoría Norte, col espectáculu 'Les rellaciones peligroses'.

El Premiu de Teatru Profesional Nel Amaro en llingua asturiana o gallego-asturianu convócase pa consolidar, arriquecer y prestixar estes dos llingües nel ámbitu del arte dramático, y nesta tercer edición ta dotáu con 6.000 euros.

La entrega del gallardón va tener llugar nuna ceremonia na que va compartir protagonismu con quien llograren los premios lliterarios en llingua asturiana nes categoríes de cómic, ensayu, lliteratura infantil y xuvenil, novela y poesía que convoca tamién el Gobiernu del Principáu d'Asturies.

El premiu y festival lleva'l nome de Nel Amaro, autor turonés que falleció nel 2011 y que nos años últimos de la década de los setenta del sieglu pasáu abrió'l camín pa la vanguardia teatral n'asturianu. Ente les sos obres de teatru destaquen 'Xénesis o alborá de la concencia' (1978), 'Glayíos nueos, vieya murnia' (1979), 'L'únicu rebalbu' (1980) y 'Antígona, por exemplu', que ganó'l premiu de teatru de l'Academia de la Llingua Asturiana en 1991. 'Les manes en caxón' (2003) foi la so última publicación teatral. Na edición pasada d'esti premiu, l'espectáculu ganador resultó ser 'Hansel y Gretel', d'Higiénico Papel Teatro.

Conoce nuestra newsletter

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Comentarios

Estos son los finalistes del Premiu de Teatru Profesional Nel Amaro

Cola ayuda de