Rodrigo Cuevas, Silvia Quesada, Mapi Quintana y Slum Suit, finalistes del Premiu Camaretá al Meyor Cantar

El gallardón ta dotáu con 6.000 euros. Tá convocáu pola Conseyería de Cultura, Política Llingüística y Turismu y nesta XII edición va celebrase'l 13 de payares nel Teatru Fantasio de Navia

RODRIGO CUEVAS
RODRIGO CUEVAS

redacción

«Rambalín», de Rodrigo Cuevas, «La mesma revolución», de Silvia Quesada, «Cantar pa durmir un ninín», de Mapi Quintana, y «L'espeyu, de Slum Suit», son los cantares nominaos al Premiu Camaretá al Meyor Cantar. El gallardón ta convocáu pola Conseyería de Cultura, Política Llingüística y Turismu y nesta XII edición va celebrase'l 13 de payares nel Teatru Fantasio de Navia.

El xuráu del premiu tuvo presidíu pol director xeneral de Política Llingüística, Antón García, y integráu polos músicos Alicia Álvarez Sanguino, Pablo Moro y Naomí Suárez, la periodista y escritora Aitana Castaño, y la filóloga y profesora Mercedes Ruisánchez. Los miembros del xuráu tuvieron en cuenta a la hora de tomar el determín la calidá na composición y les interpretaciones vocal y instrumental, amás de la corrección llingüística de la lletra y l'usu de la llingua asturiana. El Premiu Camaretá ta dotáu con 6.000 euros.

El Premiu al Meyor Cantar pasó a llamase Premiu Camaretá al Meyor Cantar anguaño, n'homenaxe a la que foi la primer agrupación cultural y musical del Surdimientu. En 1975, empezaron a axuntase col nome de Camaretá un piñu de mozos con inquietúes musicales y lliteraries vinculando a la recuperación de les llibertaes, la creatividá y la llingua asturiana. D'aquella agrupación formaron parte, ente otros, Chus Pedro, Manolo Peñayos, Nel Xiblata, Manuel Asur, Xuan Marcos, Teresa Estrada o Aurora Roces, según informa Europa Press.

Conoce nuestra newsletter

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Comentarios

Rodrigo Cuevas, Silvia Quesada, Mapi Quintana y Slum Suit, finalistes del Premiu Camaretá al Meyor Cantar

Cola ayuda de