L'artista dexa una gran escultura a la ciudá de 4,5 metros d'altura, al llau de la Ría d'Avilés
17 jun 2019 . Actualizado a las 12:28 h.Transbase ye'l nome de la semeya d’esta selmana. Ye la obra que l'artista Juan Genovés donó'l Centru Niemeyer y a Asturies. Coincidiendo cola inauguración de la esposición 'La unidá estremada por cero', qu'axunta per primer vegada la so obra al pie de trés de los sos fíos: Pablo, Silvia y Ana, la escultura asitióse na plaza del centru d'Avilés.
El mesmu artista asistió a la inauguración d'esta escultura'l vienres, acompañáu de la so fía Ana Xenovés, comisaria de la esposición, y d'otres autoridaes rexonales y locales.
La escultura, con forma de “L” y con un pesu de 1,5 tonelaes, tien 4,5 metros d’altura y mide cuatro metros nel so llau llargu y dos nel curtiu. Con ella la ciudá d'Avilés gana un nuevu símbolu y el conxuntu de los asturianos ve amontáu'l so patrimoniu cultural.
La hestoria d'esta escultura remontase a 2003, cuando'l Conceyu de Madrid propúnxo-y a Juan Genovés facer una interpretación escultórica del cuadru “L'Abrazu” pa la plaza d'Antón Martín. Una vegada realizáu'l proyeutu, l’artista siguió aquel retu inicial, intentando resolver escultóricamente otres de les sos obres. Nesi procesu, en 2004 realizó una serie de maquetes, dos de les cuales reproduciéronse a gran tamañu y fueron espuestes en Valencia y Valladolid. La escultura “Transbase” ye una versión única d'una d'estes maquetes, “Enrexaos”, y agora, después d’un procesu d'adautación del diseñu pal Centru Niemeyer, yá forma parte de tolos asturianos.