En la ceremonia habrá un recital de poemes incluyíos nel númberu 33 de la revista Lliteratura, amás del discursu de la presidenta de l'Academia, Ana Cano
05 may 2017 . Actualizado a las 05:00 h.L'escritor Xuan Bello va recibir esti vienres la primer edición del Premiu Nacional de Lliteratura Asturiana, mientres la ceremonia institucional del Día de Les Lletres, que como tolos años tien llugar nel Teatru Campoamor.
Nesta ocasión nun va celebrase'l tradicional nomamientu d'académicos d'honor. Nel so llugar, va procese a la entrega d'esti galardón triañal creáu esti añu pola Academia de la Llingua y la Conseyería de Cultura. Bello va recibir un medallón de plata, obra del escultor Adolfo Manzano, y una edición artesanal d'una selección de los sos poemes, realizáu por Signum.
Mientres la ceremonia tamién va haber actuaciones musicales: la de Mariluz Cristóbal y la representación del espectáculu 'País Malva', del colectivu Muyeres. Tamién habrá un recital de poemes incluyíos nel númberu 33 de la revista Lliteratura, amás del discursu de la presidenta de l'Academia, Ana Cano.