Morrió l'actor Arsenio González, símbolu del teatru asturianu

Europa Press REDACCIÓN

AGORA

Arsenio González, segundo por la izquierda, junto a miembros de la Compañía Asturiana de Comedies
Arsenio González, segundo por la izquierda, junto a miembros de la Compañía Asturiana de Comedies

Tuvo un papel clave na puesta en valor del teatru costumista asturianu

13 jun 2019 . Actualizado a las 18:18 h.

L'actor y autor teatral asturianu Arsenio Gónzalez, símbolu del teatru costumista, morrió esti miércoles en Xixón, la so ciudá natal, a los 86 años. L'actor recuperó en 1986 la centenaria Compañía Asturiana de Comedíes, mui popular ente'l públicu y que fixo por mantener l'usu del asturianu nos teatros.

Dende los años sesenta del sieglu pasáu, Arsenio González tuvo un papel clave na puesta en valor del teatru costumista asturianu, onde l'usu de la llingua asturiana siempre foi un seña d'identidá. Xunto cola so muyer Josefina García, Eladio Sánchez, Pili Ibaseta y José Fuertes, recuperó en 1986 la centenaria Compañía Asturiana de Comedies, qu'esti añu pasáu organizaó una esposición itinerante sobre de la so historia.

Arsenio González tamién participó en dalgunes de les primeres películes rodaes n'asturianu como Xicu'l toperu, La neña los mios güeyos, 7337 o Puntu.

Dende l'asociación Iniciativa pol Asturianu mostraron les condolencies pola muerte del autor y actor pola so aportación a la cultura espresada n'asturianu. Asina, el presidente d'Iniciativa, Inaciu Galán, destacó la so aportación a la escena y a la difusión del asturianu y la cultura asturiana "col so trabayu inmensu dende los escenarios y nel teatru asturianu".

Per otru llau, al traviés de twitter mostraron les sos condolencies la diputada nel Congresu por Podemos Asturies Sofía Castañón pola «triste noticia» y polo «guapu que foi siempre trabayar y charrar con él». Otra manera, el cineasta Pablo Quiroga afirmó na rede social que «marcha'l más grande».

La celebración de la palabra de cuerpu presente va ser na capiya del Tatatoriu de Cabueñes, en Xixón, a les 17.00 hores d'esti xueves. Los sos restos van ser inceneraos nel mentáu tanatoriu.