La poesía n'asturianu llega a los móviles

Europa Press OVIEDO

CULTURA

Inaciu Galán
Inaciu Galán

La fonoteca «The books movie» permite sintir más d'una decena d'autores n'asturianu

19 mar 2018 . Actualizado a las 22:18 h.

La creación d'una playlist de poesía pola fonoteca The books movie permite sintir distintos poetes recitando dalgunos de los sos poemes y ente ellos tán más d'una decena d'autores n'asturianu y gallego-asturianu.

Según señalen dende Iniciativa pol Asturianu al traviés d'una nota de prensa, la Fonoteca de Poesía tien un ampliu fondu documental cola voz de más de 400 autores publicaos y publicaes. La parte asturiana cuenta cola collaboración de l'Asociación d'Escritores d'Asturies y tien dellos autores qu'usen l'asturianu y gallego-asturianu na so obra.

Ente ellos tán Esther García, Roberto González-Quevedo, Inaciu Galán, Ánxel Álvarez Llano, Chechu García, Marisa López Diz, Ángeles Carbajal, Esther Prieto, Miguel Rodríguez Monteavaro, Susana Sela, Moisés Cima o Berto García, ente otros.

The Books movie nació en 2014 pa ellaborar un fondu documental sonoru qu'esbille información rigurosa vinculada a los contemporáneos del Estáu español recitando parte de la so obra. Esta Fonoteca ta a disposición del públicu llibremente y de fácil accesu pa la so consulta y estudiu.