Gaspar García Laviana vuelve en cómic

Ruma Barbero publica con el Comité de Solidaridá con América Llatina una oba n'asturianu sobre el cura que axuntose a la guerrilla sandinista


redaccion

El Comité de Solidaridá con América Llatina publica un cómic sobre la vida del guerrilleru asturianu Gaspar García Laviana. «Gaspar a tiempu completu» ye un homenaxe a los 40 años de la so muerte realizáu pol dibuxante Ruma Barbero. El cómic va presentase esti llunes 3 d'aviente a les 19.00 hores nel Toma 3, en Xixón.

Nacíu na cuenca minera, Gaspar foi a Nicaragua como cura católicu y ellí, tresformáu pola dura realidá de les inxusticies imperantes, optañi por apoyar y axuntase a la guerrilla sandinista, que combatía a los siguidores de Somoza. La so muerte en combate producióse'l 11 d'avientu de 1978, siendo nesi tiempu comandante guerrilleru del FSLN.

«El so exemplu y compromisu trescendió nel tiempu como referente d'internacionalismu y solidaridá: aspiramos a qu'esti cómic anime a les mocedaes actuales a estudiar y entender de les hestories de rebeldía frente a la desigualdá y les inxusticies, como la de Gaspar, qu'ufrió la so vida poles llibertaes colectives», recuéyese nel cómic de Ruma Barbero.

L'autor algamó en 2009 y 2015 el premiu Alfonso Iglesias de cómic por «Manzajú», una novela gráfica autobiográfica, y por «El viaxe a la lluz», respectivamente. N'avientu de 2012 editó «La Chelita. El Salvador 1992», una novela gráfica a partir de les vivencies y testimonios de cooperantes internacionales y veteranos de la guerrilla salvadoreña.

Valora este artículo

2 votos
Comentarios

Gaspar García Laviana vuelve en cómic