Les obres han tener una estensión mínima de 70 páxines y el gallardón tien una dotación de 2.000 euros
17 abr 2024 . Actualizado a las 21:26 h.Ediciones Trabe, col oxetivu de favorecer y promover la creación lliteraria n'asturianu d'autoría femenina, entamó la primer edición del Premiu «Muyer» de Narraciones Trabe.
Van poder optar al premiu toles muyeres interesaes, d'edá adulta, con obres de narrativa escrites n'asturianu, yá sían noveles, recopilaciones de cuentos o cualesquier otra forma posible de narración ficcional.
Les obres han tener una estensión mínima de 70 páxines y el gallardón tien una dotación de 2.000 euros en conceptu de derechos d'autoría y la publicación dientro de la colección Incla d'Ediciones Trabe. El plazu de presentación d'orixinales va tar abiertu hasta'l 31 d'agostu.