Cultura convoca nueve premios lliterarios y artísticos en llingua asturiana
Agora
Les convocatories de los premios que pretenden ayudar al usu y promoción de les llingües propies d'Asturies publicáronse nel Boletín Oficial del Principáu d'Asturies. El plazu pa presentar les creaciones lliteraries y artístiques va permanecer abiertu nos 30 díes naturales.
02 Apr 2024. Actualizado a las 19:52 h.
La Conseyería de Cultura, Política Llingüística y Deporte convocó los gallardones lliterarios y artísticos que distinguen a les meyores obres en llingua asturiana y gallego-asturianu en 9 disciplines.
Les convocatories de los premios que pretenden ayudar al usu y promoción de les llingües propies d'Asturies publicáronse nel Boletín Oficial del Principáu d'Asturies (BOPA). El plazu pa presentar les creaciones lliteraries y artístiques va permanecer abiertu nos 30 díes naturales.
Amás, ta previsto que'l BOPA recueya la convocatoria del Premiu Camaretá al meyor cantar. Esti prestixosu reconocimientu a la creación musical en llingua asturiana o gallego-asturianu convirtióse yá en tou un referente del sector musical asturianu.
La principal novela a los gallardones ye la convocatoria del I Premiu Pachín de Melás de testos teatrales. A esti gallardón puen concurrir obres teatrales orixinales escrites en llingua asturiana y que puedan ser representaes con una duración comprendida ente 50 y 90 minutos. Va poder presentase un únicu testu teatral o un conxuntu de pieces breves.
A esti hai que sumar el IV Premiu Enriqueta González Rubín de narrativa moza, el VIII Premiu Nel Amaro de teatru profesional, el XVI Premiu Alfonso Iglesias de cómic; el XVII Premiu María Josefa Canellada de lliteratura infantil y xuvenil, el XXX Premiu Máximo Fuertes Acevedo d'ensayu, el XXX Premiu Xuan María Acebal de poesía, el XLV Premiu Xosefa Xovellanos de novela y el IV Premiu Florina Alías a la meyor traducción al asturianu.