Los dos asturianos que van correr la Vuelta a España
Actualidá
De los 40 españoles participantes, más d'un terciu son vascos
16 Aug 2021. Actualizado a las 11:11 h.
La Vuelta a España va volver enllenar les carreteres nacionales de ciclistes a partir del próximu sábadu. Como suel ser habitual, Asturies va ser protagonista con dos etapes que van ser decisives pa saber quién ye'l ganador, y amás, va haber dos corredores nacíos na comunidá autónoma. Trátase de Dani Navarro y Pelayo Sánchez, los dos del equipos Burgos BH.
En cuanto al orixe de los ciclistes, más d'un terciu de los españoles ye del País Vascu. Otres comunidaes como Andalucía, Murcia o Navarra tienen tamién cierta representación na competición con cuatro ciclistes, anque les cifres dexen claro cómo d'importante ye l'afición pol ciclismu nel País Vascu.
Al respective de la nacionalidá, ún de cada cinco ciclistes participantes en La Vuelta ye español (21,74%). El segundu país con una representación más destacada en La Vuelta ye Bélxica: úb de cada diez participantes ye d'aquel país (10,87%). Síguenlu Francia (9,78%), Italia (8,15%), Países Baxos (7,61%) y Australia (5,98%). Ciclistes de 30 nacionalidaes distintes van percorrer los conceyos españoles nos díes próximos.