Frente Obrero niega que tea organizando persecuciones o caceríes a persones migrantes
Actualidá
El colectivu asegura qu'eses acusaciones son «rotundamente falsas»
17 Jul 2025. Actualizado a las 17:13 h.
El colectivu Frente Obrero asegura que «ye rotundamente falso que tean organizándose persecuciones o caceríes a persones migrantes». El grupu sal al pasu de les informaciones publicaes en varios medios de comunicación tres de los incidentes en Torre Pacheco, Murcia, y concretamente al artículu publicáu por La Voz d'Asturies baxo'l titular «Los disturbios de Torre-Pacheco: l'agresión real y la última falcatrúa de la ultraderecha española».
La formación asegura que l'artículu inclúi «información falsa al empar qu'errónea, dao que ta vinculándose a esta formación política (Frente Obrero) con persecuciones y caceríes a migrantes mesmo que con un discursu racista; too ello supón l'atribución a dicha formación política de delitos de distintu tipu como puen ser los d'organización criminal, lesiones, delitu d'odiu, etc».
Nes sos redes sociales, Frente Obrero espublizó un comunicáu nel qu'esplica'l so posicionamientu.