La campaña de mecenalgu pa publicar el primer xuegu de mesa n'asturianu algama financiación en diez díes
Con c de ciencia y cultura
«¿Cuála ye?» va tener seis temátiques distintes nes que s'afonda en tola riqueza histórica, social, cultural, llingüística y natural de la nuestra tierra
27 Feb 2020. Actualizado a las 17:10 h.
Acuto Xuegos algamó el 100% del oxetivu pa la campaña de mecenalgu pa publicar «¿Cuála ye? El xuegu de preguntes d'Asturies». Trátase del primer xuegu de mesa p'adultos con preguntes sobre Asturies y n'asturianu. Al xeitu de xuegos como'l Trivial, con tableru, fiches, dau y cientos de preguntes,«¿Cuála ye?» va tener seis temátiques distintes nes que s'afonda en tola riqueza histórica, social, cultural, llingüística y natural de la nuestra tierra.
Pa poder sacalu alantre, Acuto Xuegos punxo en marcha una campaña de mecenalgu al traviés de la plataforma Verkami, que se punxo en marcha'l 18 de febreru pasáu, según informa Europa Press.