Al xeitu de xuegos como'l Trivial, con tableru, fiches, dau y cientos de preguntes, «¿Cuála ye?» va tener seis temátiques distintes d'Asturies
31 ene 2020 . Actualizado a las 11:56 h.Acuto Xuegos va poner en marcha una campaña de mecenalgu pa publicar «¿Cuála ye? El xuegu de preguntes d'Asturies». Trátase del primer xuegu de mesa p'adultos con preguntes sobre Asturies y n'asturianu.
Al xeitu de xuegos como'l Trivial, con tableru, fiches, dau y cientos de preguntes, «¿Cuála ye?» va tener seis temátiques distintes nes que s'afonda en tola riqueza histórica, social, cultural, llingüística y natural de la nuestra tierra.
Pa poder sacalu alantre, Acuto Xuegos va poner en marcha una campaña de mecenalgu al traviés de la plataforma Verkami, que va ponese en marcha «en feches próximes», según informaron al traviés de nota de prensa.