La vicesecretaria del PSOE diz que la propuesta del ministru d'Educación de regular les oficiales autonómiques son «ocurrencies»
24 feb 2018 . Actualizado a las 11:52 h.La vicesecretaria del PSOE, Adriana Lastra, esixó esti vienres al ministru d'Educación, Cultura y Deporte, Íñigo Méndez de Vigo, «sentíu común y non más ocurrencies» en relación a la regulación de les llingües cooficiales. «Coles llingües nun se xuega», dixo.
En rueda de prensa en Ferraz, respondía asina preguntada por unes declaraciones nes que'l ministru suxurió que l'abordaxe de les llingües cooficiales «esixía d'un tratamientu común» y apuntó qu'esa ye probablemente una de les «víes» a tratar nel so departamentu «pa ver cómo s'afai primero al esquema competencial español».
«El ministru nun se dirixió a nós, fíxolo al traviés de los medios de comunicación. Esiximos sentíu común y non más ocurrencies», dixo Lastra, pa recordar que Méndez de Vigo nun alzó propuesta concreta dalguna en nengún de los espacios de diálogu abiertos: la subcomisión pa un Pactu d'Estáu nel Congresu, el Conseyu Escolar y la Conferencia Sectorial d'Educación.
«Coles llingües nun se xuega, cola educación nun se xuega y hai que ser serios. Nós tamos siendo bien serios y reflexivos y vamos sentanos a dialogar nestos trés espacios cuando'l gobiernu faiga esta propuesta, pero nun podemos valorar lo que nun conocemos», añadió.