Europa descarta a oficialidade do galego antes de aceptar novos Estados membros
ACTUALIDAD
O Goberno central ameazara con bloquear a entrada de Montenegro e Albania se non atopaba unha solución
23 sep 2026 . Actualizado a las 05:00 h.España volveu levar a Bruxelas a oficialidade do galego, o catalán e o vasco na Unión Europea. Porén, a oposición de varios Estados membros —con Alemaña á cabeza— impediuno.
«Hace tres años que el ministro Albares hizo esta propuesta de reconocimiento de todas las lenguas oficiales españolas. Esperamos que pueda producirse antes que el de otras lenguas», expuxo o secretario de Estado para a UE, Fernando Sampedro, á súa chegada ao Consello de Asuntos Xerais. A comezos de setembro, o Goberno amagou con bloquear a ampliación da UE se non se atopa unha solución «a la discriminación de millones de españoles que tienen más de una lengua oficial».
«Bilateralizar a integración»
Dentro da reunión, o tema despachouse rapidamente; a intervención española e as das oposicións de Alemaña, Suecia e Lituania non superaron os dez minutos totais. Estes tres países xa expresaran en público o seu desacordo co intento de vencellar a oficialidade do galego, o catalán e o vasco á entrada de Montenegro e Albania, os dous candidatos máis avanzados no proceso. O secretario de Estado para Europa alemán, Gunther Krichbaum, amosou o seu rexeitamento a «bilateralizar a integración».