«Veníi a xugar conmigo», el curtiumetraxe n'asturianu de los alumnos de IES númberu 5 d'Avilés

Los escolares presentaron esti trabayu con motivu del Día Internacional de la Llingua Materna

Veníi a xugar conmigo El cortiumetraxe n'asturianu de los alumnos de IES númberu 5 d'Avilés

Avilés

L'IES númberu 5 d'Avilés celebró'l Día Internacional de la Llingua Materna estrenando en youtube un curtiumetraxe ellaboráu pol alumnáu de primeru d'ESO matriculáu na asignatura d'Asturianu.

El curtiu, tituláu Veníi a xugar conmigo, ye obra de los alumnos Izan Álvarez, Íker Corujedo, Marcos González y Nel Llope, cola ayuda del so profesor de Llingua Asturiana y Lliteratura, Inaciu Galán. El curtiumetraxe pue vese yá na rede y va proyectase nes clases a lo llargo d'esta selmana, amás de circular nes redes sociales, al traviés de la cuenta de l'asignatura d'asturianu nel centru en Twitter.

Según esplicó l'asociación Iniciativa Pol Asturianu, presidida pol mesmu profesor, dientro de l'asignatura d'asturianu va grabase estos díes amás, per parte de tol alumnáu, un videu nel qu'alumnos y alumnes del centru van dar llectura al Manifiestu pola Llingua Materna, una iniciativa de la Conseyería d'Educación fecha col envís de da-y sofitu a les llingües propies d'Asturies nesta celebración internacional del 21 de febreru.

Tags
Comentarios

«Veníi a xugar conmigo», el curtiumetraxe n'asturianu de los alumnos de IES númberu 5 d'Avilés