Un estudiante graba un vídeu na UBRA y diz que «ye una llingua mui antigua» y «exótica»
06 ago 2019 . Actualizado a las 16:10 h.De China a Cangas del Narcea pasando per Suiza, too pa deprender la llingua asturiana. Llámase Andersen, y el so interés poles llingües nun tien llendes. Ye ún de los estudiantes que s'averó esti cursu a la Universidá Asturiana de Branu (UABRA), de l'Academia de la Llingua, pa conocer meyor l'asturiana. Y diz lo que fizo porque y-paez «exótica» y «mui guapa» y que l’asturianu «ye una llingua mui antigua».
Nicolás Bardio grabó un vídeu coles pallabres d'Andersen nel qu'esplica'l so interés pol asturianu. Bardio dixo que «Andersen ta na UABRA estudiando asturianu porque-y gusta. Ye estudiante de filoloxía, sabe portugués, gallegu y castellanu. Ta faciendo'l nivel básicu y yá se llanzó a falar munches coses. Pensé que pagaba la pena face-y un videu pa lluchar escontra la intolerancia».
a UABRA de l'Academia de la Llingua son unos cursos que tienen reconocencia oficial per parte de la Conseyería d’Educación del Principáu d’Asturies, darréu de l’acreitación de l’ALLA como «Entidá Organizadora d’Actividaes de Formación Permanente del Profesoráu». Ello afita a tolos efeutos la reconocencia d’estos Programes Formativos dende’l puntu de vista alministrativu (currículum, méritos, sexenios, etc.) pal profesoráu d’Educación Primaria y Secundaria del Principáu d’Asturies.