La terraza del Xardín Botánicu enllénase de música en branu

A.I. REDACCIÓN

AGORA

Jardín Botánico Atlántico de Gijón
Jardín Botánico Atlántico de Gijón

Tovía queden 12 díes pa esfrutar del espectáculu

07 ago 2019 . Actualizado a las 05:00 h.

El branu en Xixón nun dexa tiempu pal aburrimientu. L'amplia ufierta cultural de la ciudá ofrez oportunidaes pa tou tipu de públicu, y un exemplu son los conciertos de música del Xardín Botánicu. Dende'l primeru d'agostu, los amantes de la música pueden esfrutar de 16 conciertos que destaquen pola singularidá de les propuestes nun emplazamientu espectacular.

El primeru de los conciertos foi'l 1 d'agostu y va haber unu diariu hasta'l día 18 del mesmu mes. Según informen los organizadores, la maxa de la música va tar «acompañada d'una esbilla de cócteles y acopes creaos de manera especial pa estos eventos». Too ello va tar arrodiao de «la lluz y el soníu que dibuxen un entornu máxicu nes nueches del branu xixonés».

Pa les persones que tean interesaes en dir, la organización da una serie de conseyos ya indicaciones:

-Toles actuaciones tán a a cubiertu.

-L'horariu de pieslle del Xardín ye a les 2:00 hores.

-Pa llegar, puede garrase l'autobús municipal nes llinies 1, 2, 18 y 26.

-Pa la vuelta hai serviciu especial d'autobuses a la 1:00.