Los asturianos faen güecu al reciclaxe en casa

Trés de cada cuatro llares yá disponen d'espaciu na cocina y de dalgún cubu pa separar los residuos

Contenedores de reciclaje
Contenedores de reciclaje

Los asturianos tán cada vuelta más concenciaos col cuidáu del mediuambiente. Esto ye una realidá que yá tien el so reflexu nos llares. La separación de residuos cuenta con un güecu diferenciáu nes cocines. L'Estudiu de vezos de reciclaxe ellaboráu pol Institutu Apolda pa Ecoembes, la organización medioambiental ensin ánimu d'arriquecimientu que coordina'l reciclaxe d'envases n'España, revela que'l 74,6% de los asturianos declara disponer d'un espaciu en casa pa depositar los envases nel cubu mariellu (envases de plásticu, llates y briks).

Los llares asturianos tienen una media de trés cubos de reciclaxe, un datu qu'aumenta añu tres d'añu y que ruempe'l tradicional mitu de que nun hai espaciu nes cases pa xestionar la separación de la basura. L'informe apurre otros datos interesaos, como por casu que los asturianos que más reciclen son les pareyes estables. Les muyeres, con un 80% alcuéntrense dellos puntos penriba que los homes. No que fai a la franxa d'edá, el resultáu ye interesante. Tán más concenciaos los mayores de 55 años que la franxa ente 25 y 35 años.

Los resultaos conclúin que los asturianos cada vuelta tienen menos duldes a la de separtar la basoria por contenedores. El 71,6% tira siempres al mariellu les botelles, los botes o les garrafes de plásticu y el 67%, los briks. Los vasos de yogurt de plásticu (61,5%) y les bolses, envoltorios y papel film de plásticu (61,4%) son otros de los envases que más se rellacionen con esti contenedor. Lo que menos se recicla, los aerosoles y los tubos de pasta de dientes. La xente nun sabe ónde los tirar.

Valora este artículo

12 votos
Comentarios

Los asturianos faen güecu al reciclaxe en casa