El Colexu de Médicos ufierta la so ayuda al Principáu pa solucionar los problemes de la sanidá asturiana

la Voz OVIEDO

AGORA

Presidente del Colegio Oficial de Médicos, Alejandro Braña, y el consejero de Salud, Pablo Fernández Muñiz
Presidente del Colegio Oficial de Médicos, Alejandro Braña, y el consejero de Salud, Pablo Fernández Muñiz

Braña diz que «son temes que'l conseyeru conoz a la perfección»

12 ago 2019 . Actualizado a las 19:40 h.

El Colexu Oficial de Médicos ufiértase a formar parte del estudiu y de la búsqueda de soluciones pa los problemes que sufre la Sanidá nel Principáu. Asina lo manifestó esti llunes el so presidente, Alejandro Braña, tres l'alcuentru calteníu col conseyeru de Salú, Pablo Fernández Muñiz. «Analicemos la situación actual na Sanidá d'Asturies, qu'él conoz perbién», destacó.

Braña calificó «positivamente» la xunta. En declaraciones a Europa Press, recalcó que «son temes que'l conseyeru conoz a la perfección» y reconoció qu'unu de los principales problemes ye l'asuntu de la demografía. «La población médica asturiana tien una media d'edá alta, casi la metá de los médicos n'exerciciu tán penriba de los 50 años y, poro, hai un problema seriu de mantenimientu de la calidá de la sanidá nos próximos años», apuntó.

Dende'l Colexu de Médicos d'Asturies indicaron qu'esto se manifiesta d'una forma muncho más notable en delles especialidaes, como por casu Atención Primaria. Amás, de producise con «más roxura» en determinaes árees sanitaries, «nes más alloñaes», concretó. Según esplicó Braña, estes situaciones danse «especialmente en momentos del añu en que por vacaciones hai menos personal».