Taller de doblaxe n'asturianu

AGORA

Doblaje en asturiano de la película «Orígen».Doblaje en asturiano de la película «Origen»
Doblaje en asturiano de la película «Origen»

La Escuela de Doblaje de Asturias entama un cursu p'aquellos que nun tuvieren contactu nengunu col mundu del doblaxe o namás tuvieren un contactu curtiu col mesmu

16 ago 2019 . Actualizado a las 05:00 h.

La Escuela de Doblaje de Asturias entama nel centru Xixón, na cai Llibertá 12, un taller de doblaxe n'asturianu. Esti cursu faise pensando naquellos que nun tuvieren contactu nengunu col mundu del doblaxe o namás tuvieren un contactu curtiu col mesmu. L'oxetivu de los organizadores ye que los alumnos vayan afayándose nel doblaxe en llingua asturiana de la que, aseguren, «abre camín a futuros profesionales que puedan trabayar pa empreses del sector o pa la televisión autonómica d'Asturies».

A lo llargo del cursu van tratase «elementos técnicos y humanos de la profesión, el métodu, la sincronía y el take». Amás, va trabayase dándo-y una importancia especial a la observación de la escena y de los actores, col envís de llograr una bona interpretación acordies cola versión orixinal. Por último, va doblase nel taller material de xéneros estremaos (drama, comedia, musical...), d'animación y comerciales.

El preciu del cursu, pal que la matrícula va tar abierta hasta'l 14 de setiembre, ye de 180 euros. L'horariu ye de 16.30 a 20.30 hores (descansu de 30 minutos) y va impartise los díes 16, 17, 18, 23, 24, 25 de setiembre de 2019.