L'Ecomuséu Ca l'Asturcón celebra los sos 20 años en defensa del turismu sostenible

L'aniversariu zarra cola actuación del grupu de folk Stolen Notes


Redacción

L'Ecomuséu Ca l'Asturcón cumple 20 años y quixo celebralo per tolo alto. Pa ello, zarró una programación braniega con ufiertes especiales pa impulsar la puesta en valor de los recursos rellacionaos coles races autóctones en peligru d'estinción como'l poni asturcón, la oveya xalda, el gochu ástur-celta o la pita pinta. Tamién quixeron potenciar otres espresiones culturales como la música, la poesía, el teatru o'l microteatru nél horru.

Más de 50 propuestes y 700 participantes esfrutaron d'una programación de visites y talleres d'artesanía qu'empecipió'l 29 de xunu y remata esti vienres 30 d'agostu a les 19.00 cola actuación en directo de Stolen Notes, un grupu folk de xira per Asturies que s'enfusa na música tradicional irlandesa, y na d'otros países del Arcu Atlánticu talos como Escocia, Asturies o Bretaña, pa «robar» de les sos notes y alimentase de la so esencia y espíritu.

El nuevu proyectu de la banda vien conmemorar los sos más de diez años como formación presentando'l so tercer álbum «The Ocean Road» (2018).

Valora este artículo

10 votos
Comentarios

L'Ecomuséu Ca l'Asturcón celebra los sos 20 años en defensa del turismu sostenible