El cine a la lluz de la lluna relluma n'Uviéu

El ciclu de SACU axunta a más de 6.300 espectadores en 29 sesiones

Cine a la luz de la luna, en Oviedo
Cine a la luz de la luna, en Oviedo

A los uvieínos gústa-yos ver el Cine a la lluz de la lluna. La programación cinematográfica del Festival de Branu d'Uviéu ye una actividá entamada pola Fundación Municipal de Cultura'l Conceyu d'Uviéu al traviés de SACU (Selmana del Audiovisual Contemporaneu d'Uviéu) consiguió axuntar a un total de 6.300 espectadores en 29 sesiones. Esti ciclu va proyectase n'once barrios de la ciudá y cuatro pueblos del conceyu. Estes cifres suponen un crecimientu esponencial. Aumentaron un 22% dende 2018.

Dende'l pasáu 2 de xunetu y hasta'l 28 d'agostu, el públicu respondió a la programación del Cine a la lluz de la lluna, con una mezcla de grandes clásicos y de películes pa tolos públicos, con títulos defendíos polos críticos pero que tamién fueron un ésitu de públicu, grandes clásicos del cine de Hollywood y europeos, como Roman Holiday, Singin' in the Rain, SabrinaBreakfast at Tiffany'sSome Like It Hot. A ellos sumáronse películes icóniques del suspense como Psicosis, Alien o Rosemary's baby, Campeones, Sen to ChihiroThree Billboards Outside Ebbing, Missouri o Murder on the Orient Express.

Les places del conceyu y de los Ferroviarios superaron toles previsiones de públicu, con una media de más de 450 persones per sesión. Tamién s'enllenaron les cuatro cites especiales de la Fábrica d'Armes, que teníen un aforu llindáu a 200 persones

Anque primero taben programaes 32 sesiones distribuyíes pela ciudá y los barrios, l'agua torgó la celebración de trés d'elles.

Valora este artículo

9 votos
Comentarios

El cine a la lluz de la lluna relluma n'Uviéu