El pueblu de Candamu acueye la recreación de la toma de Pravia na Guerra Civil
10 sep 2019 . Actualizado a las 05:00 h.Un añu más, Grullos en Candamu viaxa al traviés del tiempu hasta los, cada vez más alloñaos, años de la Guerra Civil. El pueblu acueye una nueva recreación de los combates de los años 30, con un espíritu que pretende ser lo más fiel posible a la historia real y tamién col propósitu de que les xeneraciones más nueves puedan conocer unos fechos que los sos padres o güelos, si nun los vivieron en persona, pudieron oyer como testimonios de primer mano nes sos cases.
Nesta ocasión, Grullos va tresformase en Pravia pa recrear cómo la llocalidá asturiana foi tomada poles columnes gallegues del bandu franquista. La de Candamu ta considerada como la meyor recreación histórica de la Guerra Civil española del norte d'España. Les actividaes -nes qu'hai dende la representación de les batalles a un muséu vivu y bailles de la dómina- van celebrase los díes 13, 14 y 15 de setiembre. Ente los participantes alcuéntrense 150 recreadores veníos de toa España, pero tamién de Rusia y Polonia. Munchos d'ellos son antropólogos, arqueólogos ya historiadores.
L'añu pasáu, Grullos convirtióse n'otros dos escenarios asturianos de la Guerra Civil, l'asaltu al cuartel de Simancas en 1936 y la ofensiva sobre Uviéu a lo llargo del conflictu, que n'Asturies duró hasta l'iviernu de 1937.