La Basílica de Llanes va acoyer una misa cantanda pol Coru de Parres y el gaiteru Julián Herrero

La Voz UVIÉU

AGORA

La Basílica de Santa María del Concejo en Llanes
La Basílica de Santa María del Concejo en Llanes

El gobiernu del Principáu d'Asturies declaró como Bien d'Interés Cultural de calter inmaterial la misa asturiana de gaita

18 sep 2019 . Actualizado a las 17:20 h.

El Coru de Parres y el gaiteru Julián Herrero baxu la dirección de Xema Cea, van interpretar el domingu 29 de setiembre a les 19.30 hores na basílica de Santa María del Conceyu, en Llanes, la misa asturiana de gaita. La eucaristía va tar presidida pol párrocu Florentino Hoyos. Nel añu 2014, el gobiernu del Principáu d'Asturies declaró como Bien d'Interés Cultural de calter inmaterial la misa asturiana de gaita. La misa, ye la interpretación que'l pueblu fai del cantar gregorianu.

Cantada dafechu en llatín, nel conceyu de Llanes y más concretamente na parroquia de Parres, la tradición de cantala caltúvose intacta dende tiempu inmemorial tresmitiéndose de xeneración en xeneración y llegando hasta los nuestros díes. La misa cantase en Parres nes festividaes de San Antón y Santa Marina y en La Pereda na de La nuestra Señora de Guadalupe, informa Europa Press.