Ciudadanos quier conservar el topónimu de «Luarca»

La Voz

AGORA

Luarca
Luarca E.P.

El grupu municipal va llevar al plenu una moción pa que'l topónimu de la capital del conceyu conserve la forma acastellanada xunto a la tradicional

18 sep 2019 . Actualizado a las 12:36 h.

Ciudadanos de Valdés va llevar al plenu municipal una moción pa que'l topónimu de la capital del conceyu conserve la forma acastellanada de Luarca xunto la forma tradicional L.luarca.

El BOPA publicó nel 2014 el decretu de toponimia de Valdés, polo que la capital del conceyu pasó a ser oficialmente L.luarca. D'alcuerdu cola Llei d'Usu de 1998 --qu'establez que los topónimos tradicionales han ser los oficiales-- esta forma sustitúi a l'acastellanada de Luarca.

D'esti mou, d'alcuerdu cola llexislación actual, les Alministraciones públiques van tener «qu'afacer de manera progresiva, d'alcuerdu coles sos disponibilidades presupuestaries y, en tou casu, nel momentu de la so renovación, les rotulaciones en víes públiques y carreteres lo mesmo que de mapes».

Por eso, Ciudadanos quier instar al Conceyu a que solicite a la Conseyería de Cultura la «denominación toponímica» Luarca pa referise a la capital del Conceyu de Valdés, «permitiendo la convivencia oficial de les denominaciones n'asturianu L.luarca y en castellanu Luarca», informó Europa Press