Fallaos los premios de la primer edición del concursu de videos n'asturianu entamáu pa visibilizar l'usu de la llingua
20 sep 2019 . Actualizado a las 05:00 h.Potenciar l'usu de la llingua asturiana d'una forma risondera y da-y visibilidá. Con esti oxetivu nació'l concursu ¡Yes Youtuber!, qu'acaba de fallar los ganadores d'esta primer edición. El proyectu, entamáu pola plataforma PlayPresta y Cuatro Gotes Producciones, inclúi siete premios, dirixíos sobremanera a estudiantes y a mozos creadores.
El xuráu aconceyó’l 18 de xunu y tuvo formáu por Daniel Rodríguez Blanco, realizador audiovisual, Nuria López García, directora comercial de PlayPresta, Lluis Fanjul Quelle, realizador audiovisual, Rebeca Montoto Losada, estudiante d’audiovisuales, Alba García Fernández, estudiante de márketing, Iván Llera Huerta, periodista y como secretariu, Inaciu Galán, periodista y director de PlayPresta.
Destacaron «la bona calidá de les pieces que participaron nesta primer edición». Eva Cameán, con Retu-xuegu: tienes esti llibru nel to estante? fíxose col Premiu al meyor videu de mocedá hasta 35 años, mientres que nes categoríes escolares, Tipos de profesores del alumnáu de 5uA del CP San José de Llanera, con Clara Mª Fernández González como profesora, consiguó’l Premiu al meyor videu d’Educación Primaria y l’alumnáu de 1uC de la ESO del IES Carmen y Severo Ochoa de ??uarca, con Claudia Gutiérrez Lueje como profesora y el videu Voi volar, ganaron el Premiu al meyor videu d’ESO y Bachilleratu.
No que cinca a les Reconocencies Especiales, decidióse da-y el Premiu a la eficiencia comunicativa pa Eva Cameán, pol videu Reseña Clarión: Autores. Pablo Rodríguez Medina; Premiu a la calidá técnica pa Dan (Daniel Suárez Díaz) por Analís BSO Wrath of the Lich King; Premiu a la calidá llingüística p’Alma por La vida de López de Vega en 5 minutinos y Premiu a la orixinalidá por Espresiones pa manexase pela Cuenca Bona, del alumnáu de 3u ESO del IES Juan José Calvo Miguel (Sotrondio), dirixíos pol profesor a Xavi Cayao.
Premios
Premiu al meyor videu d’Educación Primaria
Tipos de profesores del Alumnáu de 5uA del CP San José de Llanera. Profe:
Clara Mª Fernández González
Premiu al meyor videu d’ESO y Bachilleratu
Voi volar, del Alumnáu de 1uC de la ESO del IES Carmen y Severo Ochoa de
L.luarca. Profe: Claudia Gutiérrez Lueje
Premiu al meyor videu de mocedá hasta 35 años
Retu-xuegu: tienes esti llibru nel to estante? Clarión llibros y xuegos, d’Eva
Cameán.
Reconocencies Especiales
Premiu a la eficiencia comunicativa
Eva Cameán, por Reseña Clarión: Autores. Pablo Rodríguez Medina.
Premiu a la calidá técnica
Dan (Daniel Suárez Díaz) por Analís BSO Wrath of the Lich King -videoxuegos
Premiu a la calidá llingüística
Alma por La vida de López de Vega en 5 minutinos
Videu: unviáu ensin facelu públicu.
Premiu a la orixinalidá
Espresiones pa manexase pela Cuenca Bona, del alumnáu de 3u ESO del IES
Juan José Calvo Miguel (Sotrondio). Profe: Xavi Cayao.