El Principáu ye la rexón del país con más puntos de recarga per habitante
23 sep 2019 . Actualizado a las 05:00 h.Asturies ta comprometida cola movilidá sostenible. Trátase d'un sector de futuru que cada vez gana más pesu y la comunidá autónoma ye, xunto a Cataluña y Madrid, el líder español en movilidá eléctrica, según l'últimu barómetru presentáu pola sociedá española de fabricantes d'automóviles.
Los datos recueyen qu'Asturies ye la rexón española con más puntos de recarga per habitante. Amás, la comunidá cunta con empreses destacaes nel sector, ente les que destaquen ArcelorMittal o Alsa.
El principal inconveniente d'esti tipu de vehículos ye qu'anguaño nun son competitivos en preciu colos coches tradicionales, polo que los fabricantes demanden ayudes que-yos faigan posible ser más competitivos. L'oxetivu ye que'l so costu tea igualáu nel añu 2025, fecha marcada en coloráu polos axentes del sector porque esperen que seya na que s'afite'l cambéu de tendencia.