El conseyeru de Ciencia diz qu'hai que diseñar una estratexa pa les nueves necesidaes que vayan surdiendo
25 sep 2019 . Actualizado a las 08:36 h.La Formación Profesional va tener un papel relevante nos emplegos del futuru, que tovía nun conocemos güei. El conseyeru de Ciencia, Anovación y Universidá, Borja Sánchez, considera que les nueves tecnoloxíes y les telecomunicaciones 5G abren un nuevu escenariu pa los profesionales y van crear trabayos que va haber que definir. El conseyeru asegura qu'hai que diseñar una estratexa que combine les nueves necesidaes que vayan surdiendo dende l'ámbitu empresarial cola formación de les titulaciones de FP, mesmo dual que l'actual modelu, y pa ello ye necesaria mayor implicación de les empreses.
«D'equí a diez años nin siquier va sabese qué emplegos van demandase», indicó Borja Sánchez, nuna visita peles instalaciones del Centru Integráu de Formación Profesional (CIFP) La Laboral, en Xixón, acompañáu pol director xeneral d'Enseñances Profesionales, Javier Cueli. El conseyeru resaltó qu'en ciencia'l personal técnico ye bien importante, pieces fundamentales pa que too funcione.