Correos dedica un sellu al Centenariu del Parque Nacional Monte de Cuadonga

La Voz

AGORA

Sellu de Cuadonga
Sellu de Cuadonga

La ilustración del sellu recueye una calcografía del Picu Urriellu

27 sep 2019 . Actualizado a las 18:39 h.

Correos va poner en circulación esti llunes, 30 de setiembre, el sellu conmemorativu dedicáu al Parque Nacional Monte de Cuadonga. Correos emite esti sellu como un homenaxe al centenariu de declaración d'esti parque como'l primer Parque Nacional d'España.

La ilustración del sellu recueye una calcografía del Picu Urriellu y ta integráu nuna Fueya Bloque qu'ilustra'l paisaxe del Parque Nacional. La imaxe de la fueya ta protagonizada por dos montañeros con ropa de distintes dómines: l'home, cola vestimienta típica de los montañeros de principios del sieglu XX; la muyer, con ropa de monte actual, nuna metáfora d'estos cien años.

El sellu dedicáu al Centenariu del Parque Nacional de Cuadonga tien un valir de 5,20 euros y ye de forma apaisada, con unes midíes de 65 milímetros x 30 milímetros. Cuenta con una tirada de 180.000 exemplares.