La xuez decreta l'apertura de xuiciu oral polos incidentes col autobús d'Hazte Oír n'Asturies
AGORA
Dos persones van tener que defendese de l'acusación de delitos de coacciones pa torgar la llibertá ideolóxica, de daños, de discriminación y de desordes públicos
27 sep 2019 . Actualizado a las 13:44 h.La titular del xulgáu d'instrucción de Llena decretó l'apertura de xuiciu oral contra dos acusaos polos incidentes rexistraos en mayu de 2017, cuando un autobús d'Hazte Oír foi oxetu de protestes nuna gasolinera del conceyu asturianu de Llena. En concreto son dos les persones que van dir a xuiciu, V.C.S.A. y R.F.D. que van tener que defendese de l'acusación de delitos de coacciones pa torgar la llibertá ideolóxica, de daños, de discriminación y de desordes públicos.
Asina consta nel autu xudicial comunicáu a les partes esti mes de setiembre, nel qu'amás se declara órganu competente al xulgáu de lo Penal d'Uviéu pa la conocencia y fallu de la causa. El Ministeriu Fiscal y l'asociación Hazte Oír son los qu'acusen, informa Europa Press. Los fechos remóntense al 9 de mayu de 2017 cuando l'autobús d'Hazte Oír foi recibíu con hostilidá na estación. Delles persones participaron nuna acción de refuga al autobús que llevaba por lema Dexái a los neños en paz. Por esta griesca, los miembros d'Hazte Oír tuvieron que siguir viaxe escoltaos por policías hasta Uviéu.