A la escuela con tres erres

200 profesores participen nuna edición nueva de la Rede d'Escueles pol Reciclaxe

Papeleras para recogida selectiva de residuos junto a la bahía de San Lorenzo
Papeleras para recogida selectiva de residuos junto a la bahía de San Lorenzo

Son doscientos profesores los convocaos n'Uviéu pa entamar esti martes una edición nueva de la Rede d'Escueles pol Reciclaxe, una iniciativa que pretende llevar a les aules la cultura de la denomada «economía circular».

Esti proyectu lleva yá unos cuantos años al llombu, entamó nel añu 2006 y el cursu pasáu llegó a 241 escueles y 65.541 alumnos. Según dixeron los sos promotores, «tres catorce años d'esperiencia, la Rede plantégase oxetivos más ambiciosos pa esta y próximes convocatories: salir de les aules pa esparder la cultura de les Tres Erres ente la sociedá asturiana». Esto ye: reducir, reutilizar y reciclar.

Nesta ocasión, Cogersa llanzó'l lema «¡RRRReacciona» pa convidar «a tola comunidá escolar a l'acción ciudadana, a intervenir na resolución de los problemes ambientales y a convertise n'axentes de comunicación ambiental dientro y fuera del centru educativu».

L'actu institucional, que va cuntar cola presencia del xerente del consorciu, Santiago Fernández, y de la directora xeneral d'Ordenación, Evaluación y Equidá Educativa, Paula García Martínez, va tener llugar al meudía la sala de Cristal del Palaciu d'Esposiciones y Congresos Ciudá d'Uviéu pero la xornada va empezar a les nueve y media cola intervención d'Elena Fernández, responsable de Calidá y Desarrollu de COGERSA, y na que tamién participa, ente otros ponentes, Julio Antonio Pérez Álvarez, xerente del Consorciu d'Agües d'Asturies.

Tags
Comentarios

A la escuela con tres erres

Cola ayuda de